В Великобритании 19-летняя девушка покончила с собой из-за невозможности перенести домашний карантин

Një 19-vjeçare nga Britania e Madhe i ka dhënë fund jetës, pasi nuk ishte në gjendje ta përballonte izolimin në shtëpi, si masë për t’u mbrojtur nga COVID-19. Emily Owen, e cila vuante nga çrregullime të shëndetit mendor, kishte paralajmëruar njerëzit e saj të dashur vetëm disa ditë para tragjedisë se: “Më shumë njerëz do të vdesin nga vetëvrasja gjatë kësaj periudhe se sa nga vetë virusi” Familjarët e viktimës kanë kërkuar që të ketë më shumë ndërgjegjësim dhe mbështetje gjatë pandemisë ndaj njerëzve që vuajnë nga probleme të shëndetit mendor. Ata thanë se Emily, e cila punonte edhe si kamariere, ishte e shqetësuar për COVID-19 dhe ndikimin që mund të sjellë izolimi në shëndetin e saj mendor. Motra e saj, Annabel Owen, 21 vjeç tha në një postim në rrjetet sociale se: “Emily ishte shumë e shqetësuar për koronavirusin, por më shumë ishte shqetësuar për ndikimin e izolimit në shëndetin mendor dhe frika nga e panjohura.”