Сестра погибшего Джорджа Бу Саэба запретила адвокату использовать имя брата в политических целях

كتبت شقيقة الشهيد جورج بو صعب جومانا على وسائل التواصل الإجتماعي، رداً على بعض تصريحات المحامي محمد صبلوح الذي يدافع عن المحكومين المعفو عنهم: الاستاذ محمد صبلوح Mohamad Sablouh من هاللحظة وطالع، ممنوع تجيب سيرة خيي الشهيد جورج بو صعب بأي بوست، مقابلة، تصريح، حملة إعلامية أو سجال سياسي إلك. اسم جورج ودمّه وذكراه مش مادة تستعملها بحملاتك، ومش ورقة لتصفية حسابات سياسية أو إعلامية مع أي حدا. نحنا عيلته، ونحنا أكتر ناس منعرف شو دفع جورج وشو دفعنا نحنا من بعده، وما رح نسمح لا إلك ولا لغيرك يستعمل اسمه بحسب مصالحه وروايته. وإذا عندك أسئلة أو حسابات سياسية مع أي شخص، وجّهها لإلهن، بس اسم خيي ما بقى تجيبه لا من قريب ولا من بعيد. واضافت بو صعب: اعتبر هالكلام إنذار واضح وعلني: من اليوم وطالع، ما بدي شوف اسم الشهيد جورج بو صعب بأي محتوى صادر عنك، لا على مواقع التواصل، ولا بالإعلام، ولا بأي مقابلة أو حملة. وإذا تكرر الموضوع، رح آخد كل الإجراءات القانونية اللازمة، ورح لاحق الموضوع قدّام القضاء المختص لحماية اسم خيي وكرامته وذكرى استشهاده، من دون أي تردّد. وختمت: "جورج بو صعب شهيد، مش ورقة بحملاتكن ولا مادة لسجالاتكن السياسية. خلي اسم خيي وذكراه بسلام".