Золла Будд: история босиком, олимпийский скандал и двойное гражданство

Suid-Afrika se Kaalvoet Koningin, Zola Bud. Zola Budd, ook bekend as Zola Pieterse, is een van Suid-Afrika se top middel- en langafstand-atlete. Sy is bekend vir haar kaalvoetstyl, wêreldrekords en ‘n Olimpiese loopbaan waarin sy vir twee lande deelgeneem het. Sy het die 5000m-wêreldrekord in 1984 verbeter, hoewel dit nie internasionaal erken is nie. Sy het ook vir Groot-Brittanje aan die 3000m by die 1984 Olimpiese Spele deelgeneem, waar haar botsing met Mary Decker wêreldwyd hoofnuus gemaak het. Die Britse koerant, die Daily Mail, het Budd se pa oortuig om haar aan te moedig om aansoek te doen om Britse burgerskap, op grond daarvan dat haar oupa van Engeland was. Sodoende kon sy die internasionale sportboikot teen Suid-Afrika omseil en aan die 1984 Somerspele in Los Angeles deelneem. Met sterk steun van die Daily Mail is haar registrasie as Britse burger vinnig toegestaan, waarna sy na Guildford verhuis het. Haar aansoek en aankoms was omstrede, aangesien sy so vinnig ‘n paspoort bekom het. Groepe wat die afskaffing van apartheid ondersteun het, het veldtogte gevoer om hierdie vinnige hantering uit te lig, aangesien aansoeke om Britse burgerskap gewoonlik jare geneem het om oorweeg te word. Jody gesels met Zola oor haar loopbaan – die hoogtepunte sowel as die omstrede oomblikke. Haar destydse afrigter, Pieter Labuschagné, vertel ook van die uitdagings wat hulle destyds oorsee in die gesig gestaar het. Luister Donderdagaand om 20:00 op RSG na die dokumentêre program Suid-Afrika se Kaalvoet Koningin, Zola Budd, saamgestel en aangebied deur Jody Hendricks.