В Сурате магазин D-Mart оштрафован на 25 тысяч рупий из-за мух в муке и просроченных продуктов

By ऑनलाइन लोकमत | Updated: September 8, 2026 17:57 IST 2026-09-08T17:56:12+5:30 2026-09-08T17:57:13+5:30 D-Mart Flour Insects: सुरतमधील डी-मार्ट स्टोअरमध्ये विक्रीसाठी ठेवलेल्या पिठात अळ्या आढळल्याने पालिकेने २५ हजार रुपयांचा दंड ठोठावला. मुदत संपलेला मालही जप्त करून केला नष्ट. सुपरमार्केट रिटेल साखळी असलेल्या 'डी-मार्ट'च्या सुरतमधील स्टोअरमध्ये पुन्हा एकदा अत्यंत धक्कादायक प्रकार समोर आला आहे. सिंगणपूर-कतारगाम परिसरातील कॉजवे जवळ, गाडा सर्कल लगत असलेल्या डी-मार्टमध्ये विक्रीसाठी ठेवलेल्या उघड्या पिठामध्ये जिवंत अळ्या आणि किडे आढळल्याने खळबळ उडाली आहे. एका जागरूक ग्राहकाने केलेल्या तक्रारीनंतर सुरत महानगरपालिकेच्या आरोग्य विभागाच्या पथकाने तातडीने छापा टाकून तपासणी केली असता ही बाब उघडकीस आली. आरोग्य विभागाच्या पथकाने केलेल्या तपासणीत उघड्या पिठात किडे आढळलेच, शिवाय पॅक केलेल्या पिठाच्या पिशव्यांवर एक्सपायरी डेट (मुदत संपल्याची तारीख) नमूद नसल्याचेही समोर आले. यासोबतच स्टोअरमध्ये इतरही काही मुदत संपलेले खाद्यपदार्थ विक्रीसाठी ठेवल्याचे आढळून आले. २५ हजार रुपयांचा दंड आणि मुदत संपलेला माल नष्ट डी-मार्ट परिसरात अस्वच्छता आणि निकृष्ट अन्नपदार्थ आढळल्याने महापालिकेच्या आरोग्य विभागाने कठोर पावले उचलली. पालिकेने डी-मार्ट व्यवस्थापनाला नोटीस बजावत २५ हजार रुपयांचा दंड ठोठावला आहे. कारवाईदरम्यान किडे लागलेले सर्व पीठ आणि एक्सपायर झालेले इतर अन्नपदार्थ पालिकेच्या पथकाने जागेवरच नष्ट केले. सतत घडणाऱ्या अशा घटनांमुळे सुरतमधील डी-मार्टमध्ये मिळणाऱ्या खाद्यपदार्थांचा दर्जा, एक्सपायरी डेट आणि साठवणुकीच्या स्वच्छतेबाबत ग्राहकांमधून तीव्र संताप व्यक्त होत आहे. यापूर्वीही बदामाच्या पाकिटात आढळले होते किडे सुरतमधील डी-मार्टविरोधात अन्न सुरक्षेबाबत झालेली ही पहिली कारवाई नाही. यापूर्वी लिंबायत-गोदादरा परिसरातील डी-मार्ट शाखेत एका ग्राहकाने विकत घेतलेल्या बदामाच्या पाकिटात किडे निघाल्याची तक्रार केली होती. त्यावेळीही महापालिकेच्या अन्न सुरक्षा विभागाने तपासणी करून डी-मार्टला नोटीस बजावली होती आणि ५ हजार रुपयांचा दंड केला होता. त्यानंतर आता पुन्हा एकदा सिंगणपूर-कतारगाम शाखेत पिठामध्ये किडे आढळल्याने डी-मार्टच्या अन्न दर्जा आणि साठवणूक व्यवस्थेचे तीन-तेरा वाजल्याचे स्पष्ट झाले आहे. Web Title: डी-मार्ट पर आंख मूंदकर भरोसा? रुकिए... आटे में मिले कीड़े, पैकेट एक्सपायर्ड; ग्राहक की शिकायत Web Summary: सूरत के डी-मार्ट स्टोर में खुले आटे में कीड़े और एक्सपायर्ड खाद्य पदार्थ मिलने पर ₹25,000 का जुर्माना लगा. पहले भी बादाम के पैकेट में कीड़े मिले थे, जिससे डी-मार्ट की खाद्य गुणवत्ता और स्वच्छता पर गंभीर सवाल उठ रहे हैं. Web Title: Trust D-Mart blindly? Stop... Worms in flour, expired packets; customer complains Web Summary: A D-Mart store in Surat was fined ₹25,000 after live worms were found in open flour and expired food items were being sold. This follows a previous incident where worms were found in almond packets, raising serious concerns about D-Mart's food quality and storage hygiene.