Буря́н нанес серьёзный ущерб сельскому хозяйству в долине Деволль: до 80% посевов фасоли уничтожены

Breshëri godet rëndë bujqësinë në Devoll, dëmtohen sipërfaqe të tëra me të mbjella Breshëri i një dite më parë që ka përfshirë fshatrat Dobranj dhe Bracanj në bashkinë e Devoll ka shkarkuar dëme të konsiderueshme në disa kultura bujqësore. Dëmet më të mëdha sipas fermerëve janë shkaktuar në kulturën e fasules, ku mbi 80% e sipërfaqeve të mbjella kanë shkuar dëm. Dëmet më të mëdha, gjithnjë sipas fermerëve, janë në fshatin Dobranj, që ka si kulturë bazë fasulen. “Shumë dëm pati. Të gjithë fasulet i shoi, i hodhi përdhe. Gjysmë ore vazhdoi. Me prodhimet rrojmë ne. Në ato e kemi kokën, fasulet”, thotë një fermer. “Dëmi ka qenë rreth 70% i prodhimit që ishte jashtë. Me fasulet, kam 4 gra, 100 mijë në ditë. Tani Perëndia se qeveria… Ç’do bëjmë? Kam 3 hektarë me fasule. Rendimenti 4 kuintal, dy u dëmtuan. Rreth 20 kuintalë fasule. 10 milion lekë të vjetra”, shprehete një tjetër. Ditën e sotme një grup pune i drejtorisë së bujqësisë së bashkisë Devoll mësohet të kenë shkuar në të dy fshatrat për të verifikuar dëmet e shkaktuara nga breshëri dhe më pas materialet t’i referohen drejtorisë rajonale të ekstensionit bujqësor. Duhet thënë se në të njëjtën periudhë gjatë viteve të fundit, fermerët e Devollit për shkak të reshjeve të shumta të breshrit kanë humbur kulturat e tyre bujqësore, përfshirë dhe mollët.