Согндал арендовал полузащитника Гаусдала у Старта на сезон

Neste kamp på Direktesport: Sogndal - Strømsgodset No har klubben signert Lukas Gausdal (19) på lån frå Start ut årets sesong. – Lukas er ein spennande sentral midtbanespelar som har erfaring frå både Eliteserien og 1. divisjon for Start, i tillegg til landslagsspel. Han vil gje oss auka konkurranse på midtbana inn mot ein lang og tøff haustsesong, seier ansvarleg for spelarlogistikk i Sogndal Fotball, Håvard Flo, i ei pressemelding. Ekstrem glede og noko som var skuffande: – Fy flate for ei scoring Gausdal har spelt to kampar frå start i Eliteserien i år, og var involvert i 27 då laget frå Kristiansand rykte opp frå OBOS-ligaen i fjor. Trengde folk Signeringa skjer i samband med at rutinerte Martin Høyland fekk brot i kragebeinet i cupkampen mot Fjøra førre fredag. Det er usikkert om han returnerer til bana denne sesongen. – På grunn av skadesituasjonen i klubben, der Høyland blei langtidsskadd med kragebeinsbrot og situasjonen elles i spelargruppa, bestemte me oss for å sjekka marknaden etter spelarar som kan koma inn og bidra utover haustsesongen. Me er godt nøgde med å få Lukas inn i troppen, seier Flo i pressemeldinga. Gausdal er speleklar til søndagens heimemøte med Strømsgodset. Kamerathjelp Vidare er det slik at det aldri er feil å få hjelp av kameratar når ein er i naud. Gausdal spelar under Azar Karadas i Start, som er god kompis med Sogndal-vikar Eirik Bakke. Dermed er det nok ikkje umogleg at den relasjonen har spelt ei rolle då denne avtalen gjekk i boks. Vidare kan det hevdast at Karadas skulda Bakke ei teneste etter avslutninga på 2025-sesongen. Børsen: – Kaptein med stor K! Kor viktig blir den scoringa når rekneskapen skal gjerast opp til slutt? For å rykka opp var Start avhengige av at Kongsvinger ikkje vann sin siste seriekamp borte mot Åsane – som då var under leiing av Bakke. Dei oransje stengde att, Start vann borte mot Lyn, og dermed var dei oppe. Quid pro quo. Tema i artikkelen Følg det du er interessert i, og finn artiklane på For deg