В Дарашрамешваре гниют вещи переселенцев из приречных кварталов Катома

काठमाडौं । सरकारले काठमाडौं उपत्यकाका नदी किनारमा रहेका सुकुमबासी बस्ती हटाउने अभियानका क्रममा दशरथ रंगशालामा राखिएका सुकुमबासीका सामान साढे दुई महिनादेखि अलपत्र अवस्थामा रहेका छन्। गत वैशाखमा सरकारले नदी किनारका बस्ती खाली गराउन डोजर चलाएपछि सुकुमबासी र उनीहरूको सामान अस्थायी रूपमा त्रिपुरेश्वरस्थित दशरथ रंगशालामा ल्याएर राखिएको थियो। त्यसपछि सरकारले अल्पकालीन व्यवस्थापनका रूपमा उनीहरूलाई विभिन्न होल्डिङ सेन्टरमा स्थानान्तरण गरेको थियो। तर, स्थानान्तरणका क्रममा धेरै परिवारका केही सामान भने रंगशालामै छुटेका थिए। रंगशालामा छाडिएका ती सामान अहिलेसम्म नउठाइएकाले वर्षाका कारण भिजेर अधिकांश सामान कुहिन थालेको छ। कुहिएका सामानबाट दुर्गन्ध फैलिन थालेपछि रंगशालाको वातावरणसमेत प्रभावित भएको कर्मचारीहरूले बताएका छन्। राष्ट्रिय खेलकुद परिषद् (राखेप) अन्तर्गतका कर्मचारीका अनुसार लामो समयदेखि अलपत्र सामान व्यवस्थापन गर्न गृह मन्त्रालय र काठमाडौं महानगरपालिकासँग पटक–पटक आग्रह गरिए पनि कुनै निकायले चासो नदिएको गुनासो गरेका छन्। कर्मचारीहरूका अनुसार रंगशाला खेलकुद गतिविधिका लागि प्रयोग हुने संवेदनशील स्थल भएकाले अलपत्र सामान तत्काल हटाउनुपर्ने आवश्यकता रहेको छ। तर सम्बन्धित निकायबीच समन्वय नहुँदा समस्या झन् लम्बिएको उनीहरूको भनाइ छ। सरकारले सुकुमबासीको अस्थायी बसोबासको व्यवस्था गरे पनि रंगशालामा छुटेका सामानको व्यवस्थापन अझै हुन नसक्दा त्यसको प्रत्यक्ष असर रंगशालाको सरसफाइ, वातावरण र सञ्चालनमा परेको छ।