Губернатор Хайбер-Пхундху наградила главу ПТВ за открытие первого бюро в Пешаваре

گورنر خیبرپختونخوا فیصل کریم کنڈی نے پاکستان ٹیلی ویژن (پی ٹی وی) کے پہلے بیورو آفس کے پشاور میں قیام پر ادارے کے ہیڈ عادل شاہ زیب کی کاوشوں کو سراہتے ہوئے مبارکباد دی ہے۔ اپنے ایک پیغام میں گورنر خیبرپختونخوا نے کہا کہ پی ٹی وی مختصر عرصے میں جس پیشہ وارانہ ترقی کی جانب گامزن ہے، اس پر وفاقی وزیر اطلاعات عطا اللہ تارڑ، سیکریٹری اطلاعات اشفاق احمد خلیل اور پی ٹی وی کے ہیڈ سینیئر صحافی عادل شاہ زیب خراجِ تحسین کے مستحق ہیں۔ انہوں نے کہا کہ پشاور میں اس پہلے بیورو آفس کا قیام صوبے کے مثبت اور خوبصورت تشخص کو اجاگر کرنے میں کلیدی کردار ادا کرے گا اور بطور گورنر وہ صوبے کے عوام کی جانب سے وزارتِ اطلاعات کے بھی مشکور ہیں۔ گورنر فیصل کریم کنڈی کا مزید کہنا تھا کہ پی ٹی وی نے ملک دشمن بیانیے کے خلاف اور پاکستان کے اصولی مؤقف کو اجاگر کرنے کے لیے عالمی سطح پر جس مؤثر انداز میں ملک کا مقدمہ لڑا ہے، وہ کسی سے پوشیدہ نہیں۔ انہوں نے اس امید کا اظہار کیا کہ وفاقی وزیر عطا اللہ تارڑ اور سیکریٹری اطلاعات اشفاق احمد خلیل کے وژن جبکہ عادل شاہ زیب کی پیشہ وارانہ مہارت کی بدولت پاکستان ٹی وی عالمی میڈیا کے میدان میں ترقی کا یہ سفر جاری رکھے گا۔